ఊయలసేవలో శ్రీస్వామిఅమ్మవార్లకు విశేషంగా పుష్పాలంకరణ, పుష్పార్చనలు

శ్రీశైల దేవస్థానం: దేవస్థానం శుక్రవారం  సాయంత్రం శ్రీస్వామిఅమ్మవార్లకు ఊయలసేవను నిర్వహించింది.ప్రతి శుక్రవారం పౌర్ణమి, మూలా నక్షత్రం రోజులలో ఈ ఊయల సేవ నిర్వహిస్తారు.ఈ కార్యక్రమంలో భాగంగా ముందుగా లోకకల్యాణాన్ని కాంక్షిస్తూ అర్చక స్వాములు సేవా సంకల్పాన్ని చెప్పారు. తరువాత కార్యక్రమం నిర్విఘ్నంగా మహాగణపతిపూజ జరిపారు.అనంతరం ఊయలలో వేంచేబు చేయించిన శ్రీస్వామిఅమ్మవార్లకు శాస్త్రోక్తంగా షోడశోపచార పూజ జరిపారు. తరువాత చివరగా ఊయలసేవ జరిపారు.ఊయలసేవను పురస్కరించుకుని శ్రీస్వామిఅమ్మవార్లకు విశేషంగా పుష్పాలంకరణ, పుష్పార్చనలు చేశారు. పుష్పాలంకరణకు  పలుపుష్పాలు వినియోగించారు.