శ్రీశైల దేవస్థానం:లోక కల్యాణం కోసం వినాయకచవితి పురస్కరించుకుని 27.08.2025 నుండి 05.09.2025 వరకు గణపతి నవరాత్రోత్సవాలు జరుగుతాయి.
ఈ ఉత్సవాల సమయంలో ఆలయ ప్రాంగణంలోని రత్నగర్భగణపతిస్వామి వారికి , శ్రీశైలం సమీపంలోని సాక్షిగణపతిస్వామివారికి , యాగశాలలో వేంచేబు చేయించనున్న గణపతిస్వామివారి పంచలోహమూర్తికి ప్రతీనిత్యం వ్రతకల్పవిశేషార్చనలు నిర్వహిస్తారు.
అదేవిధంగా శ్రీ సాక్షిగణపతి ఆలయం వద్ద మృత్తికా గణపతిని (మట్టితో చేసిన వినాయకుని విగ్రహాన్ని) కూడా నెలకొల్పి ఉత్సవ సమయంలో ప్రతీరోజు వ్రతకల్పపూర్వకంగా పూజాదికాలను నిర్వహిస్తారు. కాగా 27 తేదీ వినాయకచవితిరోజున ఉదయం గం.9.00ల నుండి ఈ గణపతి నవరాత్రోత్సవాలు ప్రారంభమవుతాయి.
