శ్రీకృష్ణస్వామి వారికి నూతన యజ్ఞోపవీతం
తిరుమ‌ల, 22 ఆగస్టు 2021: శ్రావణ ఉపకర్మ పర్వదినాన్ని పురస్కరించుకుని శ్రీవారి ఆలయంలోని శ్రీకృష్ణస్వామివారికి ఆదివారం నూతన యజ్ఞోపవీతాన్ని సమర్పించారు. శ్రావణ పౌర్ణమి నాడు ఈ ఉత్సవాన్ని నిర్వహించడం ఆనవాయితీగా వస్తోంది.
ఉదయం ఆరు నుంచి ఏడు గంటల మధ్య ఈ కార్యక్రమం జరిగింది. ముందుగా శ్రీవారి ఆలయంలోని శ్రీకృష్ణ స్వామివారి ఉత్సవమూర్తిని శ్రీ వరాహ స్వామి ఆలయం ఎదురుగా ఉన్న స్వామి పుష్కరిణి వద్దకు ఊరేగింపుగా తీసుకెళ్లారు. అక్కడ అభిషేకం చేశారు. అర్చకులు స్వామివారికి నూతన యజ్ఞోపవీతం(పవిత్రమైన దారం) ధరింపజేశారు. అనంతరం శ్రీవారి ఆలయానికి వెంచేపు చేశారు.
Post Comment