శ్రీశైల దేవస్థానం:నిత్యకళారాధన కార్యక్రమంలో భాగంగా గురువారం శ్రీకృష్ణ కళామందిరం, విశాఖపట్నం వారు సంప్రదాయ నృత్య ప్రదర్శన కార్యక్రమం సమర్పించారు.
ఆలయ దక్షిణ మాడవీధిలోని నిత్యకళారాధన వేదిక వద్ద ఈ రోజు సాయంకాలం నుండి ఈ సంప్రదాయ నృత్య ప్రదర్శన కార్యక్రమం జరిగింది.
ఈ కార్యక్రమములో మహాదేవ శంభో, గజనయుతం, శంకరశ్రీగిరి, అంబా శాంభవి, భో..శంభో తదితర గీతాలకు ఆదిత్య సురేష్ , శిష్యులు నృత్య ప్రదర్శన చేశారు.
కాగా ఈ నిత్య కళారాధనలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు అవుతున్నాయి.
శ్రీ స్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో ఈ నిత్యకళారాధన కార్యక్రమాలు జరుగుతున్నాయి.
