శ్రీశైల దేవస్థానం: శ్రీశైల దేవస్థానం  నిర్వహిస్తున్న “నిత్యకళారాధన” (నివేదన) కార్యక్రమంలో భాగంగా ఈరోజు (27.10.2021)  డి. సాయిజక్షిత్  బృందం, నందికొట్కూరు వారు  సంప్రదాయ నృత్య ప్రదర్శన కార్యక్రమం సమర్పించారు.

ఆలయ దక్షిణ మాడవీధిలోని నిత్యకళారాధన వద్ద ఈ రోజు సాయంకాలం గం.6:30 ని||ల నుండి ఈ భరటనాట్య ప్రదర్శన కార్యక్రమం జరిగింది.

ఈ కార్యక్రమం లో ఏకదంతాయ, ఓం నమఃశివాయ తే, భో..శంభో, శంభో, బ్రహ్మాంజలి, అష్టపది, తరంగం, ఆనందతాండవం, శివాష్టకం, శంకర శశిధర తదితర గీతాలకు  డి. సాయిజక్షిత్, శ్రీ సాయి లిక్షతా శ్రీ తదితరులు నృత్య ప్రదర్శనను చేసారు.

 ఈ నిత్య కళారాధనలో ప్రతి రోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు.

శ్రీ స్వామి అమ్మవార్లకు ఆయా కైంకర్యాలన్నీ పరిపూర్ణంగా జరగాలని,  ప్రాచీన సంప్రదాయ కళల పరిరక్షణలో భాగంగా ఈ నిత్య కళారాధన (నివేదన) కార్యక్రమాలు నిర్వహిస్తున్నారు.

ఈ కార్యక్రమాలలో ముఖ్యంగా స్థానిక కళాకారులకు,  జిల్లాలోని కళాకారులకు ప్రాధాన్యం ఇస్తున్నారు.

| రేపటి నిత్య కళారాధన ||

రేపు (28.10.2021)న   వై.జయకృష్ణ, మైదుకూరు, కర్నూలు జిల్లా వారిచే హరికథ కార్యక్రమం వుంటుంది.