శ్రీశైల దేవస్థానం: శ్రీశైల దేవస్థానం  నిర్వహిస్తున్న “నిత్యకళారాధన” (నివేదన) కార్యక్రమంలో భాగంగా ఈరోజు (26.10.2021) శ్రీమతి కె. లక్ష్మీ శ్వేత,  బృందం, మార్కాపురం వారు సంప్రదాయ నృత్య ప్రదర్శన కార్యక్రమం సమర్పించారు.

ఆలయ దక్షిణ మాడవీధిలోని నిత్యకళారాధన వద్ద ఈ రోజు సాయంకాలం గం.6:30 ని||ల నుండి ఈ భరటనాట్య ప్రదర్శన కార్యక్రమం జరిగింది.

ఈ కార్యక్రమం లో ఏకదంతాయ. ఓం నమఃశివాయ తే, భో..శంభో, శంభో, బ్రహ్మాంజలి, మహేశ్వరి మహాకాళి, అమ్మమ్మ ఏమమ్మ, అఖిలాండేశ్వరి తదితర గీతాలకు చంద్రిక, సుస్మిత, యమున, సుజాత, మానస,

జాహ్నవి, సుదీక్ష, ప్రణవి, నందితరాయల్, నాగ చంద్రిమ, పవన సహస్ర, గాయత్రీ తన్వి, వేదస్వి తదితరులు నృత్య ప్రదర్శనను సమర్పించారు.

ఈ నిత్య కళారాధనలో ప్రతి రోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు. 

శ్రీ స్వామి అమ్మవార్లకు ఆయా కైంకర్యాలన్నీ పరిపూర్ణంగా జరగాలని,  ప్రాచీన సంప్రదాయ కళల పరిరక్షణలో భాగంగా ఈ నిత్య కళారాధన (నివేదన) కార్యక్రమాలు నిర్వహిస్తున్నారు.

ఈ కార్యక్రమాలలో ముఖ్యంగా స్థానిక కళాకారులకు, జిల్లాలోని కళాకారులకు ప్రాధాన్యం ఇస్తున్నారు.

రేపటి నిత్య కళారాధన

రేపు (27.10.2021)న  డి. సాయిజక్షిత్  బృందం, నందికొట్కూరు, కర్నూలు జిల్లా వారు  సంప్రదాయ నృత్య ప్రదర్శన కార్యక్రమం సమర్పిస్తారు.