కోవిడ్ నివారణ నిబంధనలను తప్పనిసరిగా అమలు చేయాలి- శ్రీశైల దేవస్థానం ఈ ఓ

శ్రీశైల దేవస్థానం: శ్రీశైల దేవస్థానం కార్యనిర్వహణాధికారి ఈ రోజు  దర్శన క్యూలైన్లను ఆకస్మికంగా పరిశీలించారు.ఈ సందర్భంగా కార్యనిర్వహణాధికారి  మాట్లాడుతూ రోజురోజుకు భక్తుల సంఖ్య పెరుగుతున్న కారణంగా కరోనా నివారణ చర్యల పై  ప్రత్యేకశ్రద్ధ కనబర్చాలన్నారు.దర్శనాలకు విచ్చేసే భక్తులను,  ఆర్జిత సేవాకర్తలను ఆలయములోనికి అనుమతించేటప్పుపుడు కోవిడ్ నివారణ నిబంధనలను తప్పనిసరిగా అమలు చేయాలని సూచించారు. ఈ విషయమై ఏవిధంగా కూడా రాజీపడకూడదన్నారు.ముఖ్యంగా దర్శనప్రవేశంద్వారం వద్ద,  ఆర్జిత సేవల ప్రవేశద్వారం వద్ద థర్మల్ గన్ ద్వారా శరీర ఉష్ణోగ్రతలను తప్పనిసరిగా పరీక్షించాలన్నారు.ఈ విషయమై ఆలయ ప్రసారవ్యవస్థ ద్వారా (మైక్ ద్వారా) నిరంతరం సూచనలు చేస్తూ , భక్తులకు అవగాహనను పెంపొందించాలని శ్రీశైలప్రభవిభాగాన్ని ఆదేశించారు.భక్తులు భౌతికదూరాన్ని పాటించడంలో అవగాహన కల్పించేందుకు క్యూలైన్లలో ప్రతి 25 – 30 అడుగులకు భద్రతా సిబ్బందిని ఏర్పాటు చేయాలని ముఖ్య భద్రతా అధికారిని ఆదేశించారు. ఆర్జిత సేవలను నిర్వహించేటప్పుడు కూడా సేవాకర్తలు తప్పనిసరిగా భౌతికదూరం పాటించే విధంగా సంబంధిత సిబ్బంది తగు జాగ్రత్తలు తీసుకోవాలన్నారు.ముఖ్యంగా అన్ని క్యూలైన్లను ప్రతి రెండుగంటలకోసారి తప్పనిసరిగా క్రిమిసంహారకాలతో పిచికారి చేయించాలన్నారు.

భక్తులు తప్పనిసరిగా ముఖానికి మాస్కు ధరించడం, ఎప్పటికప్పుడు చేతులు శుభ్రపరుచుకోవడం, భౌతికదూరాన్ని పాటించడంలాంటి నియమాలను విధిగా ఆచరించేలాగా చర్యలు చేపట్టాలన్నారు.

సామూహిక అభిషేకాలు నిర్వహించే అలంకారమండపం,  కుంకుమార్చన నిర్వహించే ఆశీర్వచనమండపం, కల్యాణాన్ని జరిపే కల్యాణ మండపం, యాగశాలలు, సాక్షిగణపతి ఆలయము మొదలైనవాటిని ఎప్పటికప్పుడు అనగా ఆర్జిత సేవలు ప్రారంభించే ముందు.  ఆర్జిత సేవలు పూర్తి అయిన తరువాత హైపో క్లోరైడ్ ద్రావణముతో శుభ్రం చేయాలని ఆలయ అధికారులను ఆదేశించారు.

ఆర్జిత టికెట్టు కౌంటర్లు, క్యూలైన్ల ప్రవేశద్వారాలు, క్యూలైన్లు, ఆర్జిత సేవలు జరిపించే స్థలాలు మొదలైన చోట్ల కోవిడ్ నివారణ చర్యల గురించి భక్తులకు అవగాహన కల్పించే విధంగా మరిన్ని ఫెక్సీబోర్డులను ఏర్పాటు చేయాలని శ్రీశైలప్రభ విభాగాన్ని ఆదేశించారు. 

అదే విధంగా భద్రతా చర్యలకు వినియోగించనున్న బ్యాగేజి స్కానర్, హెచ్.హెచ్.ఎం.డి ( హ్యాండ్ హెల్త్ మెటల్ డిటెక్టర్ ) ట్రాఫిక్ సిగ్నల్ లైట్స్ మొదలైన వాటిని కూడా కార్యనిర్వహణాధికారి  పరిశీలించారు

*Kumaaraswaamy puja and Daatthaathreyaswaamy puja performed in the temple today,