ప్రాంతీయ పార్టీలు జాతీయ స్థాయిలో కీలక పాత్ర పోషించాలి
* బుధవారం హైదరాబాద్‌ విచ్చేసిన ఉత్తర్‌ప్రదేశ్‌ మాజీ సీఎం అఖిలేశ్‌ యాదవ్‌, ముఖ్యమంత్రి కె.చంద్రశేఖర్ రావును ప్రగతిభవన్‌లో కలిశారు. అనంతరం సీఎం కేసీఆర్, అఖిలేశ్‌ యాదవ్‌ సంయుక్తంగా మీడియా సమావేశంలో పాల్గొన్నారు.
వచ్చే ఎన్నికల్లో ప్రాంతీయ పార్టీలు జాతీయ స్థాయిలో కీలక పాత్ర పోషించాలని తెలంగాణ రాష్ట్ర ముఖ్యమంత్రి కె.చంద్రశేఖర్ రావు , ఉత్తర్‌ప్రదేశ్‌ మాజీ సీఎం అఖిలేశ్‌ యాదవ్‌ పిలుపు ఇచ్చారు .బుధవారం హైదరాబాద్‌ విచ్చేసిన ఉత్తర్‌ప్రదేశ్‌ మాజీ సీఎం అఖిలేశ్‌ యాదవ్‌, ముఖ్యమంత్రి కె.చంద్రశేఖర్ రావును ప్రగతిభవన్‌లో కలిశారు. అనంతరం సీఎం కేసీఆర్, అఖిలేశ్‌ యాదవ్‌ సంయుక్తంగా మీడియా సమావేశంలో పాల్గొన్నారు. ఏదో ఎన్నికల ప్రయోజనాలకోసమో , ఎవరో ఒకరిని ప్రధానమంత్రిని చేయడమో తమ ఫ్రంట్ లక్ష్యం కాదని అన్నారు . ఇన్ని దశాబ్దాలు గడిచినా మనదేశం ఇంకా చాలా రంగాల్లో వెనుకబడి ఉందని చెప్పారు . రైతులు బాగుంటేనే దేశం బాగుపడుతుందని చెప్పారు . అనేక అంశాలపై ఒక విశ్లేషణతో ప్రజల అజెండాతో ముందుకు వస్తామన్నారు . కేసీఆర్ మంచి ఆలోచనలకు తమ మద్దతు ఉంటుందని అఖిలేశ్‌ చెప్పారు . బీజీపీ పాలనలో తమ రాష్ట్రానికి పెద్దగా ఒరిగిందేమీలేదని అన్నారు . రైతులు , యువత బాగుంటేనే మన దేశం త్వరగా అభివుద్ధి చెందుతుందన్నారు .
Post Comment