ఊయల సేవలో శ్రీస్వామిఅమ్మవార్లకు విశేషంగా పుష్పాలంకరణ
శ్రీశైల దేవస్థానం:లోకకల్యాణం కోసం దేవస్థానం ఈ రోజు (31.12.2021) సాయంకాలం శ్రీస్వామిఅమ్మవార్లకు ఊయల సేవను నిర్వహించింది.
ప్రతి శుక్రవారం రోజు , పౌర్ణమి, మూలనక్షత్రం రోజులలో ఈ ఊయల సేవ నిర్వహిస్తారు.
ఈ కార్యక్రమంలో భాగంగా ముందుగా లోకకల్యాణాన్ని కాంక్షిస్తూ అర్చకస్వాములు సేవా సంకల్పాన్ని పఠించారు. తరువాత కార్యక్రమం నిర్విఘ్నంగా జరగాలని మహాగణపతి పూజ జరిపారు.
అనంతరం ఊయలలో వేంచేబు చేయించిన శ్రీస్వామిఅమ్మవార్లకు షోడశోపచార పూజ చేసారు.
ఆ తరువాత విశేషంగా అమ్మవారికి అష్టోత్తరం, త్రిశతి, ఖడ్గమాల, సహస్రనామపూజలు, స్వామివారికి సహస్రనామార్చన జరిగాయి. చివరగా ఊయలసేవ జరిపారు.
ఊయల సేవను పురస్కరించుకుని శ్రీస్వామిఅమ్మవార్లకు విశేషంగా పుష్పాలంకరణ, పుష్పార్చనలు జరిగాయి.
పుష్పాలంకరణకు గాను పలుపుష్పాలు వినియోగించారు.
Post Comment