శ్రీశైల దేవస్థానం:దేవస్థానము నిర్వహిస్తున్న “నిత్యకళారాధన” (నివేదన) కార్యక్రమంలో భాగంగా ఈ రోజు (07.11.2021) శ్రీ బాలరాజరాజేశ్వరి కూచిపూడి నృత్యాలయం, రాజమహేంద్రవరం వారిచే సంప్రదాయ నృత్య ప్రదర్శన కార్యక్రమం జరిగింది.
ఆలయ దక్షిణ మాడవీధిలోని నిత్యకళారాధన వద్ద ఈ రోజు సాయంకాలం గం.6:30 ని||ల నుండి ఈ సంప్రదాయనృత్య ప్రదర్శన కార్యక్రమం జరిగింది.
ఈ కార్యక్రమములో మహాగణపతిస్తుతి, శివపంచాక్షరి, శ్రీలలితాంబిక, సింహనందిని తదితర గీతాలకు కుమార్, ప్రసాద్, శ్రీనివాస్, గౌతమ్, సాయి వైష్ణవి, జన్విత నాగలక్ష్మి తదితరులు నృత్య ప్రదర్శన సమర్పించారు.
శ్రీ విద్యానికేతన్, తూర్పుగోదావరి జిల్లా వారిచే సంప్రదాయ నృత్య ప్రదర్శన కార్యక్రమం జరిగింది.
ఈ కార్యక్రమములో శివాష్టకము భో శంభో శివ శంభో, శివస్తుతి, శివతాండవం, నటరాజ చరణం తదితర గీతాలకు రమ్య, లాస్యశ్రీ, హేమ, మాన్యశ్రీ తదితరులు నృత్య ప్రదర్శనను సమర్పించారు.
కాగా ఈ నిత్య కళారాధనలో ప్రతి రోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు.
శ్రీ స్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని, ప్రాచీన సంప్రదాయ కళల పరిరక్షణలో భాగంగా ఈ నిత్య కళారాధన (నివేదన) కార్యక్రమాలు జరుగుతున్నాయి.
ఈ కార్యక్రమాలలో ముఖ్యంగా స్థానిక కళాకారులకు అనగా జిల్లాలోని కళాకారులకు ప్రాధాన్యంఇస్తున్నారు.
