శ్రీశైల దేవస్థానం:  శ్రీశైల దేవస్థానం నిర్వహిస్తున్న “నిత్యకళారాధన” (నివేదన) కార్యక్రమంలో భాగంగా ఈరోజు (17.10.2021)  న ఉష శివ డ్యా న్స్ అకాడమీ, శ్రీశైలం ప్రాజెక్టకు వారిచే సంప్రదాయ నృత్య ప్రదర్శన కార్యక్రమం ప్రత్యేకం.

ఆలయ దక్షిణ మాడవీధిలోని నిత్యకళారాధన వద్ద ఈ రోజు సాయంకాలం గం.6:30 ని||ల నుండి ఈ భరటనాట్య ప్రదర్శన కార్యక్రమం ఏర్పాటు చేసారు.

ఈ కార్యక్రమములో ఏకదంతాయ వక్రతుండాయ, అయిగిరినందిని, నటరాజ నీ ఆజ్ఞ తోనే కదా, భరతవేదమున, తదితర గీతాలకు శ్రావణి, కీర్తన,వేదశ్రీ, ఎ. జయశ్రీ తదితరులు నృత్య ప్రదర్శనను సమర్పించారు.

కాగా ఈ నిత్య కళారాధనలో ప్రతి రోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు.

శ్రీ స్వామి అమ్మవార్లకు ఆయా కైంకర్యాలన్నీ పరిపూర్ణంగా జరగాలని మరియు ప్రాచీన సంప్రదాయ కళల పరిరక్షణలో భాగంగా ఈ నిత్య కళారాధన (నివేదన) కార్యక్రమాలు నిర్వహిస్తున్నారు.

ఈ కార్యక్రమాలలో ముఖ్యంగా స్థానిక కళాకారులకు, జిల్లాలోని కళాకారులకు ప్రాధాన్యం ఇస్తారు. 

రేపటి నిత్య కళారాధన:

రేపు (18.10.2021) న  శ్రీ రంగయ్య అండ్ బృందం, మహానంది వారిచే భజన కార్యక్రమము అనంతరం శ్రీమతి పి. ప్రతిమ అండ్ బృందం, మార్కాపురం వారిచే సంప్రదాయ నృత్య ప్రదర్శన కార్యక్రమం వుంటుంది.