శ్రీశైల దేవస్థానం: ధర్మపథంలో భాగంగా (నిత్యకళారాధన కార్యక్రమం) శనివారం వసుధ కుందుర్తి నృత్యాల డాన్సు అకాడమీ, హైదరాబాద్ వారు కూచిపూడి నృత్య ప్రదర్శన సమర్పించారు.
ఆలయ దక్షిణ మాడవీధిలోని నిత్యకళారాధన వేదిక వద్ద సాయంకాలం నుండి ఈ కూచిపూడి నృత్య ప్రదర్శన కార్యక్రమం జరిగింది,
ఈ కార్యక్రమములో గణపతి తాళం, శివాష్టకం, ఓం నమశ్శివాయ, అయిగిరి నందిని తదితర గీతాలకు షణ్ముఖశ్రీ, ధాత్రి తదితరులు నృత్యప్రదర్శన చేసారు.
రెండవ కార్యక్రమములో భాగంగా శ్రీ వైష్ణవి నాట్యశాల ట్రస్ట్, బెంగుళూరు, కర్ణాటక రాష్ట్రం వారు సంప్రదాయ నృత్య ప్రదర్శన కార్యక్రమం సమర్పించారు,
కాగా ఈ నిత్య కళారాధనలో ఆయా రోజులలో హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు అవుతున్నాయి.
శ్రీస్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో భాగంగా ఈ నిత్యకళారాధన కార్యక్రమాలు జరుగుతున్నాయి.
