శ్రీశైల దేవస్థానం:దేవస్థానం నిర్వహిస్తున్న ధర్మపథంలో భాగంగా (నిత్యకళారాధన కార్యక్రమం) శనివారం ఎస్. యం. నృత్య కళాక్షేత్రం, శ్రీకాకుళం వారు సంప్రదాయ నృత్య కార్యక్రమం సమర్పించారు.
ఆలయ దక్షిణ మాడవీధిలోని నిత్యకళారాధన వేదిక వద్ద ఈ రోజు సాయంకాలం నుండి ఈ సంప్రదాయ నృత్య కార్యక్రమం జరిగింది.
ఈ కార్యక్రమం లో వినాయక కౌత్యం, శివతాండవం, లింగాష్టకం, నమశ్శివాయతే, శివోహం, భో…శంభో, జతిస్వరం తదితర గీతాలకు, అష్టకాలకు తేజేశ్వరరావు, అక్షయ, సంజన, పూజిత, విమల, గీతిక, శ్రావణి, ప్రణవి తదితరులు నృత్యప్రదర్శన చేశారు.
కాగా ఈ నిత్య కళారాధనలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు.
శ్రీస్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో భాగంగా ఈ నిత్యకళారాధన జరుగుతోంది.
