సంప్రదాయ నృత్య ప్రదర్శనలు

 శ్రీశైల దేవస్థానం:దేవస్థానం  నిర్వహిస్తున్న ధర్మపథంలో భాగంగా (నిత్యకళారాధన కార్యక్రమం) గురువారం  ఉషోదయ కూచిపూడి కళా సంక్షేమ సంఘం, విశాఖపట్నం వారు  కార్యక్రమం సమర్పించారు.

ఆలయ దక్షిణ మాడవీధిలోని నిత్యకళారాధన వేదిక వద్ద  సాయంకాలం నుండి ఈ సంప్రదాయ నృత్య కార్యక్రమం జరిగింది.

ఈ కార్యక్రమంలో  గణపతికౌత్వం, శివతాండవం, మూషికవాహన, అఖిలాండేశ్వరి, లింగాష్టకం తదితర గీతాలకు ఎం. ఆరాధ్యరెడ్డి, శిరివదన, శృజన, భార్గవి, చేతన, మోక్షిత,శ్రీనిత్య, వర్షిత, దేవిప్రియ, స్పందన తదితరులు నృత్య ప్రదర్శన చేశారు.

రెండవ కార్యక్రమంలో  భాగంగా వెంకట డాన్సు అకాడమీ, తిరుపతి వారు  సంప్రదాయ నృత్య ప్రదర్శన కార్యక్రమం సమర్పించారు.

కాగా ఈ నిత్య కళారాధనలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు.

శ్రీస్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో భాగంగా ఈ కార్యక్రమాలు 

నిర్వహిస్తున్నారు.