శ్రీశైల దేవస్థానం: ధర్మపథంలో భాగంగా (నిత్యకళారాధన కార్యక్రమం) శుక్రవారం విజయ డాన్స్ అకాడమీ, నెల్లూరు వారు సంప్రదాయ నృత్య ప్రదర్శన కార్యక్రమం సమర్పించారు.
ఆలయ దక్షిణ మాడవీధిలోని నిత్యకళారాధన వేదిక వద్ద సాయంకాలం నుండి ఈ సంప్రదాయ నృత్య ప్రదర్శన కార్యక్రమం జరిగింది.
కార్యక్రమం లో శివపంచాక్షరి, ఓం నమ:శివాయ, శివశివ శంకరా, శివతాండవ స్తోత్రం, ఓంకారనాదం తదితర గీతాలకు ఎ. లక్ష్మీప్రసన్న, కె.ఎస్. సాత్విక, ఎ. ప్రియవర్షిణి, టి. ప్రియదర్శిని, ఎం. నందన్, జి. నందనశ్రీ, ఆర్. గౌతమి, ఎం. తరుణి, టి.శివాని, టి. లాస్య, బి. విజయ్ కుమార్ తదితరులు నృత్య ప్రదర్శన చేశారు.
నిత్య కళారాధనలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు జరుగుతున్నాయి.
శ్రీస్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో భాగంగా ఈ నిత్యకళారాధన జరుగుతోంది.