క్షేత్రంలో పారిశుద్ధ్య కార్యక్రమం

 శ్రీశైల దేవస్థానం:*స్వచ్ఛ ఆంధ్ర సేవా కార్యక్రమం లో భాగంగా క్షేత్రంలో పారిశుద్ధ్య కార్యక్రమం

• పారిశుద్ధ్య కార్యక్రమానికి  క్షేత్రపరిధిని 6 జోన్లు, 11 సెక్టార్లుగా విభజన

• మొత్తం 66 ప్రదేశాలలో ప్రత్యేకంగా పారిశుద్ధ్య కార్యక్రమం

స్వచ్ఛ ఆంధ్ర సేవా కార్యక్రమములో భాగంగా గురువారం  క్షేత్ర పరిధిలో విస్తృత పారిశుద్ధ్య కార్యక్రమం నిర్వహించారు.

గతములో వలె ప్రతీ గురువారము క్షేత్ర పరిధిలో ఈ పారిశుద్ధ్య కార్యక్రమాన్ని నిర్వహిస్తారు.

ఈ కార్యక్రమానికి ముందుగా గంగాధర మండపం నుంచి నందిగుడి వరకు అవగాహన ర్యాలీ నిర్వహించారు.

కాగా పారిశుద్ధ్య నిర్వహణకుగాను క్షేత్రాన్ని 6 జోన్లుగా, 11 సెక్టార్లుగా, 66 ప్రదేశాలుగా విభజించారు.

పారిశుద్ధ్య కార్యక్రమాన్ని పర్యవేక్షించేందుకు ప్రతీ జోనుకు కూడా దేవస్థానం యూనిట్ అధికారులను, పర్యవేక్షకులను ప్రత్యేక అధికారులుగా నియమించారు. అదేవిధంగా ఆయా జోన్లలో పలువురు సిబ్బందికి ప్రత్యేక విధులు కేటాయించారు.. దాదాపు అన్ని విభాగాల సిబ్బంది కూడా ఈ ప్రత్యేక విధులలో పాల్గొన్నారు.

ఈ కార్యక్రమములో పలు ప్రధాన రహదారులు గంగాధర మండపం నుంచి తూర్పువైపున నందిగుడి వరకు గల ప్రదేశం, దక్షిణం వైపున అలంకారేశ్వరాలయం గల ప్రదేశం, దర్శన క్యూకాంప్లెక్సు, విరాళాల సేకరణ కేంద్ర ప్రాంగణం మరియు పరిసరాలు, అన్నప్రసాద వితరణ భవన పరిసరాలు, సి.ఆర్.ఓ కార్యాలయ పరిసరాలు, దేవస్థానం వైద్యశాల పరిసరాలు, గంగాగౌరీసదన్ పరిసరాలు, మల్లికార్జునసదన్ పరిసరాలు, గణేశసదన్ పరిసరాలు, టూరిస్ట్ బస్టాండ్ పరిసరాలు, సెంట్రల్ పార్కింగ్ ప్రదేశం, మల్లమ్మ కన్నీరు పరిసరాలు, పంచమఠాలు పరిసరాలు, ప్రాథమిక ఆరోగ్యకేంద్ర పరిసరాలు, సర్వతోభద్రవన పరిసరాలు, కల్యాణకట్ట పరిసరాలు, పాతాళగంగ పాతమెట్ల మార్గం, ఆర్టీసి బస్టాండు, సిద్ధిరామప్ప వాణిజ్య సముదాయం, పాతాళగంగమెట్లమార్గం, పాతాళగంగ స్నానఘట్టాలు, భ్రమరాంబా అతిథిగృహ పరిసరాలు, సాక్షిగణపతి ఆలయ పరిసరాలు, హాటకేశ్వరాలయ పరిసరాలు, శిఖరేశ్వర ఆలయ పరిసరాలు మొదలైన 66 చోట్ల పారిశుద్ధ్య చర్యలు చేపట్టారు.

ఈ కార్యక్రమం లో దేవస్థానం సిబ్బందితో పాటు పలువురు శివసేవకులు కూడా పాల్గొన్నారు.