శ్రీశైల దేవస్థానం:
• జనవరి 12 నుండి 18 వరకు మకర సంక్రాంతి బ్రహ్మోత్సవాలు.
• బ్రహ్మోత్సవాలలో విశేష పూజలు, వాహన సేవలు, హోమాలు, జపాలు, పారాయణలు.
• జనవరి 15 న సంక్రాంతి రోజున బ్రహోత్సవ కల్యాణం.
• బ్రహోత్సవ కల్యానోత్సవానికి చెంచు గిరిజనులకు ప్రత్యేక ఆహ్వానం.
మకర సంక్రమణ పుణ్యకాలాన్ని పురస్కరించుకొని జనవరి 12వ తేదీ నుండి 18 తేదీ వరకు ¬ మకర సంక్రాంతి బ్రహ్మోత్సవాలు ప్రారంభం కానున్నాయి.
పంచాహ్నికదీక్షతో ఏడురోజులపాటు జరిగే ఈ బ్రహ్మోత్సవాలు ఈ నెల 18వ తేదీన ముగియనున్నాయి.
సంప్రదాయాన్ని అనుసరించి శ్రీ మల్లికార్జునస్వామివారికి ఏటా రెండుసార్లు అనగా మకర సంక్రమణం సందర్భంగా సంక్రాంతిబ్రహ్మోత్సవాలు , మహాశివరాత్రి సందర్భంగా శివరాత్రి బ్రహ్మోత్సవాలు జరుగుతాయి.
బ్రహ్మోత్సవ కార్యక్రమాలు:
ఈ బ్రహ్మోత్సవాల ప్రారంభంగా 12.01.2026ఉదయం గం. 9.15 లకు శ్రీస్వామివారి యాగశాల ప్రవేశ కార్యక్రమం .
అనంతరం లోకకల్యాణాన్ని కాంక్షిస్తూ అర్చకస్వాములు బ్రహ్మోత్సవ సంకల్పాన్ని పఠిస్తారు. సంకల్ప పఠనం తరువాత కార్యక్రమం నిర్విఘ్నంగా జరగాలని గణపతి పూజ జరిపిస్తారు. గణపతి పూజ తరువాత వృద్ధి, అభ్యుదయాల కోసం స్వస్తి పుణ్యాహవాచనం.
ఈ కార్యక్రమాల తరువాత బ్రహ్మోత్సవ నిర్వహణకు ఆధ్వర్యం వహించే శివపరివార దేవుడైన చండీశ్వరునికి విశేషపూజలు .
అనంతరం కంకణధారణ, ఋత్విగ్వరణం, అఖండ దీపారాధన, వాస్తుపూజ, వాస్తుహోమం, మండపారాధనలు, కలశస్థాపన, పంచావరణార్చనలు, జపానుష్ఠానములు, పారాయణలు.
12వ తేదీ సాయంకాలం 5.00 గంటల నుండి అంకురారోపణ, అగ్నిప్రతిష్ఠాపనల కార్యక్రమాలు.
తరువాత సాయంత్రం 7.00 గంటల నుండి ధ్వజారోహణ, ధ్వజపటావిష్కరణ ఆయా కార్యక్రమాలు.
ముక్కోటిదేవతలను, సకల సృష్టిని బ్రహ్మోత్సవాలకు ఆహ్వానించేందుకుగాను ఈ ధ్వజారోహణ కార్యక్రమం .
బ్రహ్మోత్సవాలలో భాగంగానే ప్రతిరోజు శ్రీస్వామిఅమ్మవార్లకు విశేషపూజలు, మండపారాధనలు, పంచావరణార్చనలు, రుద్రహోమం, చండీహోమం, నిత్యహవనాలు.
బ్రహ్మోత్సవాలలో రెండవ రోజు నుండి అనగా 13వ తేది నుండి శ్రీస్వామిఅమ్మవార్లకు వాహన సేవలు .
15వ తేదీ మకర సంక్రాంతి రోజున బ్రహ్మోత్సవ కల్యాణం.
17వ తేదీ ఉదయం యాగపూర్ణాహుతి, కలశోద్వాసన, త్రిశూలస్నానం . సాయంత్రం సదస్యం, నాగవల్లి, ధ్వజావరోహణ .
బ్రహ్మోత్సవాలలో చివరిరోజైన 18వ తేదీ రాత్రి జరిగే పుష్పోత్సవం, శయనోత్సవం, ఏకాంతసేవలతో ఈ ఉత్సవాలు ముగియనున్నాయి.
తేది వాహన సేవ / విశేష కార్యక్రమము
12.01.2026 అంకురార్పణ, ధ్వజారోహణ
13.01.2026 భృంగివాహనసేవ
14.01.2026 కైలాసవాహనసేవ
15.01.2026 నందివాహనసేవ , బ్రహ్మోత్సవ కల్యాణం
16.01.2026 రావణవాహనసేవ,
17.01.2026 పూర్ణాహుతి, త్రిశూలస్నానం, సదస్యం,నాగవల్లి, ధ్వజావరోహణ
18.01.2026 అశ్వవాహన సేవ ( ఆలయ ఉత్సవం)
పుష్పోత్సవం, శయనోత్సవం
కాగా సంక్రాంతి రోజున (జనవరి 15 జరిగే బ్రహోత్సవాలలో కల్యాణానికి చెంచు గిరిజన భక్తులను ప్రత్యేకంగా ఆహ్వానం,
కొన్ని ఆర్జిత సేవలు నిలుపుదల:
ఉత్సవాల సందర్భంగాఈ నెల 12వ తేదీ నుండి 18వ తేదీ వరకు ఆర్జిత ప్రత్యక్ష , పరోక్షసేవలైన రుద్రహోమం, చండీహోమం, మృత్యుంజయ హోమం, గణపతి హోమం, (పరోక్షసేవ) శ్రీ సుబ్రహ్మణ్యేశ్వరస్వామి వారి కల్యాణం శ్రీ స్వామిఅమ్మవార్లకల్యాణం, ఉదయాస్తమానసేవ, ప్రాత:కాలసేవ, ప్రదోషకాలసేవ, ఏకాంతసేవలను నిలపుదల.
