నంది వాహన సేవలో మురిసిన శ్రీశైల క్షేత్రం

శ్రీశైల దేవస్థానం:మకర సంక్రమణ పుణ్యకాలాన్ని పురస్కరించుకుని పంచాహ్నిక దీక్షతో ఏడు రోజులపాటు నిర్వహించే సంక్రాంతి బ్రహ్మోత్సవాలు అయిదవ రోజైన (15.01.2022)  న శ్రీ స్వామిఅమ్మవార్లకు విశేష పూజలు జరిగాయి.

ఉత్సవాలలో భాగంగానే యాగశాలలో  శ్రీ చండీశ్వర స్వామికి ప్రత్యేక పూజాదికాలు జరిపారు. అనంతరం లోకకల్యాణం కోసం చతుర్వేద పారాయణలు, జపాలు, రుద్రపారాయణ చేసారు.

తరువాత మండపారాధనలు, పంచావరణార్చనలు, రుద్రహోమం కార్యక్రమాలు ఆగమశాస్త్రం ప్రకారంగా జరిపారు.

 ఈ సాయంకాలం ప్రదోష కాలపూజలను, హోమాలను జరిపించిన తరువాత జపానుష్టానాలు జరిపారు.

నందివాహన సేవ:

ఈ బ్రహ్మోత్సవాలలో నిర్వహించే వాహనసేవలలో భాగంగా ఈ రోజు సాయంకాలం శ్రీ స్వామి అమ్మవార్లకు నందిహనసేవ నిర్వహించారు.

ఈ సేవలో శ్రీ స్వామిఅమ్మవారి ఉత్సవమూర్తులను అక్కమహాదేవి అలంకార మండపంలో నందివాహనంపై వేంచేపు చేయించి ప్రత్యేక పూజాదికాలు జరిపారు.

తరువాత ఆలయ ప్రాకారోత్సవం జరిగింది.

ఈ ప్రాకారోత్సవంలో హరిదాసు, శంఖం, జేగంట, డమరుకం మొదలైన వాటితో పాటు కోలాటం, చెక్కభజన, డోలు విన్యాసాలు మొదలైన జానపద కళారూపాలు కూడా ఏర్పాటు చేసారు.