శ్రీశైల దేవస్థానం:సంక్రాంతి బ్రహ్మోత్సవాల సందర్భముగా సంక్రాంతి రోజు జనవరి 15వ తేదీన మహిళలకు ముగ్గులపోటీలు నిర్వహించనున్నారు.
ఆ రోజు ఉదయం గం.7.30ల నుంచి నుండి ఆలయ దక్షిణమాడవీధిలో ఈ ముగ్గులపోటీలు వుంటాయి.
ఈ ముగ్గుల పోటీలలో పాల్గొనదలచిన వారు 14వ తేదీ సాయంత్రం గం.5.00లలోపల దేవస్థాన పరిపాలనా కార్యాలయములోని ప్రజాసంబంధాల విభాగంలో వారి పేర్లను నమోదు చేసుకోవలసినదిగా దేవస్థానం పేర్కొంది.
14వ తేదీన సామూహిక భోగిపండ్లు:
సంక్రాంతి బ్రహ్మోత్సవాల సందర్భంగా భోగిరోజు 14వ తేదీన ఉదయం 10 గంటలకు ఆలయ ప్రాంగణంలోని అక్కమహాదేవి అలంకార మండపంలో ఉచిత సామూహిక భోగిపండ్ల కార్యక్రమం నిర్వహిస్తారు.
సనాతన ధర్మపరిరక్షణలో భాగంగా ఈ సామూహిక భోగిపండ్ల కార్యక్రమాలు. 5 సంవత్సరాల వరకు వయస్సుగల చిన్నారులకు ఈ భోగిపండ్లు పోస్తారు .
చిన్నారులకు భోగిపండ్లను వేయించదలచిన వారు 13వ తేదీ సాయంత్రం గం.5.00లలోపల దేవస్థాన పరిపాలనా కార్యాలయములోని ప్రజాసంబంధాల విభాగంలో వారి పేర్లను నమోదు చేసుకోవలసినదిగా దేవస్థానం కోరింది.
