కర్నూలు:జడ్పీ సమావేశ మందిరంలో జిల్లా పరిషత్ చైర్ పర్సన్,  ఇద్దరు వైస్ చైర్ పర్సన్ ల ఎన్నికకు సంబంధించి ప్రత్యేక సమావేశం  నిర్వహించిన ప్రిసైడింగ్ అధికారి,  జిల్లా కలెక్టర్ పి.కోటేశ్వరరావు , ఎన్నికల అబ్జర్వర్ నవీన్ కుమార్ విజేతలకు అభినందనలు తెలిపారు.

కర్నూలు జిల్లా పరిషత్ చైర్మన్ గా సంజామల జడ్పీటీసీ మల్కి రెడ్డి వెంకటసుబ్బారెడ్డి ఏకగ్రీవంగా ఎన్నికైనట్లు  ప్రిసైడింగ్ అధికారి , జిల్లా కలెక్టర్ ప్రకటించారు.

జడ్పీ చైర్మన్ గా మల్కి రెడ్డి వెంకటసుబ్బారెడ్డి పేరును మిడ్తూరు జడ్పీటీసీ సభ్యుడు పి.యుగంధర్ రెడ్డి ప్రతిపాదించగా మహానంది జడ్పిటిసి సభ్యుడు మహేశ్వర్ రెడ్డి బలపరచారు

జడ్పి వైస్ చైర్మన్ లు గా సిరివెళ్ల జడ్పిటిసి దిల్షాద్ నాయక్, హోళగుంద జడ్ పిటిసి కె. బుజ్జమ్మ ఏకగ్రీవంగా ఎన్నికైనట్లు ప్రకటించిన ప్రిసైడింగ్ అధికారి మరియు జిల్లా కలెక్టర్.

మొదటి వైస్ చైర్మన్ గా సిరివెళ్ల జడ్పిటిసి దిల్షాద్ నాయక్ పేరును రుద్రవరం జడ్ పి టి సి ఆర్ మాధవి ప్రతిపాదించగా దొర్నిపాడు జడ్పిటిసి శకుంతల బలపరిచారు.

రెండవ వైస్ చైర్మన్ గా హోళగుంద జడ్పిటిసి కె.బుజ్జమ్మ, పేరును ఆలూరు జడ్పిటిసి చంద్రశేఖర్ ప్రతిపాదించగా…. చిప్పగిరి జడ్ పి టి సి విరుపాక్షి బలపరచారు.

ఈ రెండు పదవులకు మరెవరూ పోటీ పడకపోవడంతో రెండు జెడ్పి వైస్ చైర్మన్ ల పదవులకు హోళగుంద జడ్ పిటిసి కె. బుజ్జమ్మ, సిరివెళ్ల జెడ్పిటిసి దిల్షాద్ నాయక్ లను ఏకగ్రీవంగా ఎన్నికైనట్లు ప్రిసైడింగ్ అధికారి మరియు జిల్లా కలెక్టర్ ప్రకటించారు.

ఎన్నికైన జిల్లా పరిషత్ చైర్మన్ మల్కి రెడ్డి వెంకటసుబ్బారెడ్డి, ఇద్దరు వైస్ చైర్మన్ లు బుజ్జమ్మ, దిల్షాద్ నాయక్ లకు ధృవీకరణ పత్రాలను అందజేసి,ప్రమాణ స్వీకారం చేయించినప్రిసైడింగ్ అధికారి , జిల్లా కలెక్టర్.

ఈ కార్యక్రమంలో ప్రత్యేక ఆహ్వానితులుగా రాష్ట్ర ఆర్థిక శాఖ మంత్రి బుగ్గన రాజేంద్రనాథ్ , కార్మిక శాఖ మంత్రి గుమ్మనూరు జయరాం , ప్రభుత్వ విప్ గంగుల ప్రభాకర్ రెడ్డి , ఎమ్మెల్సీ చల్లా భగీరథ రెడ్డి, నంద్యాల ఎంపీ పోచా బ్రహ్మానంద రెడ్డి , పాణ్యం ఎమ్మెల్యే కాటసాని రాంభూపాల్ రెడ్డి , శ్రీశైలం ఎమ్మెల్యే శిల్ప చక్రపాణి రెడ్డి , నందికొట్కూరు ఎమ్మెల్యే తోగూరు ఆర్థర్ , ,పత్తికొండ ఎమ్మెల్యే శ్రీదేవి , ఆళ్లగడ్డ ఎమ్మెల్యే బ్రిజేంద్రనాథ్ రెడ్డి , ఎమ్మిగనూరు ఎమ్మెల్యే చెన్నకేశవరెడ్డి , బనగానపల్లె ఎమ్మెల్యే కాటసాని రామిరెడ్డి , జడ్పీటీసీ లు హాజరయ్యారు.