శ్రీశైల దేవస్థానం:దేవస్థానం నిర్వహిస్తున్న ధర్మపథంలో భాగంగా (నిత్యకళారాధన కార్యక్రమం) బుధవారం లిక్షితాశ్రీ నృత్యకళాశాల, నందికొట్కూరు వారు కూచిపూడి నృత్య ప్రదర్శన కార్యక్రమం సమర్పించారు.
ఆలయ దక్షిణ మాడవీధిలోని నిత్యకళారాధన వేదిక వద్ద ఈ రోజు సాయంకాలం నుండి ఈ సంప్రదాయ నృత్య ప్రదర్శన కార్యక్రమం జరిగింది.
ఈ కార్యక్రమం లో ప్రణవాకారం, శివాష్టకం, లింగాష్టకం, భో…శంభో, నటరాజస్తుతి, అయిగిరినందిని తదితర గీతాలకు, అష్టకాలకు డి. సాయిలిక్షితాశ్రీ, రాధభవ్యశ్రీ, భవిష్య, గీతాసాహితీ, లక్ష్మీదీపిక, కార్తిక, అక్షయ్య, మోక్షిత తదితరులు నృత్య ప్రదర్శన చేశారు.
కాగా ఈ నిత్య కళారాధనలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు జరుగుతున్నాయి.
శ్రీస్వామి అమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో భాగంగా ఈ నిత్య కళారాధన జరుగుతోంది
