శ్రీశైల దేవస్థానం:దేవస్థానం నిర్వహిస్తున్న ధర్మపథంలో భాగంగా (నిత్యకళారాధన కార్యక్రమం) ఆదివారం శ్రీ సుబ్బలక్ష్మీ , వారి బృందం, గుంటూరు కూచిపూడి నృత్య ప్రదర్శన కార్యక్రమం సమర్పించారు.
ఆలయ దక్షిణ మాడవీధిలోని నిత్యకళారాధన వేదిక వద్ద కూచిపూడి నృత్య ప్రదర్శన కార్యక్రమం జరిగింది.
ఈ కార్యక్రమం లో వినాయక కౌత్వం, శివశివశంకరా, భో…శంభో, ఓం శివోహం, నమశ్శివాయతే, అయిగిరినందిని తదితర గీతాలకు హేమశ్రీ, తేజ వెంకట లక్ష్మి, హిమశ్రీ, జాగృతి, అనుదీప్తి, ప్రియదర్శిని, శ్రీసౌభాగ్యవల్లి తదితరులు నృత్య ప్రదర్శన చేశారు.
కాగా ఈ నిత్య కళారాధనలో ప్రతిరోజూ హరికథ, బుర్రకథ, సంప్రదాయ నృత్యం, వాయిద్య సంగీతం, భక్తిరంజని లాంటి కార్యక్రమాలు ఏర్పాటు చేస్తున్నారు.
శ్రీస్వామిఅమ్మవార్లకు ఆయా కైంకర్యాలన్నీ పరిపూర్ణంగా జరగాలని , ప్రాచీన సంప్రదాయ కళల పరిరక్షణలో భాగంగా ఈ నిత్య కళారాధన జరుగుతోంది.
