ఉచిత సామూహిక సేవలలో శ్రీస్వామిఅమ్మవార్ల కల్యాణోత్సవం

 శ్రీశైల దేవస్థానం:ధర్మప్రచారంలో భాగంగా దేవస్థానం  గురువారం  ఆరుద్రోత్సవాన్ని పురస్కరించుకుని ఉచిత సామూహిక సేవలలో భాగంగా శ్రీస్వామిఅమ్మవార్ల కల్యాణోత్సవాన్ని నిర్వహించింది.

తెల్లరేషన్కార్డు కలిగిన వారి సౌకర్యార్థం ప్రవేశపెట్టిన ఉచిత సామూహిక సేవలలో భాగంగా  చంద్రవతి కల్యాణ మండపంలో ఈ కల్యాణోత్సవాన్ని నిర్వహించారు.  ఈ ఉచితసేవకు ఆన్లైన్ ద్వారా నమోదు చేసుకున్న భక్తులచేత ఈ రోజు ఉదయం సామూహిక కల్యాణోత్సవాన్ని జరిపించారు. కార్యక్రమం నిర్విఘ్నంగా జరగాలని మహాగణపతి పూజ జరిపారు.కల్యాణోత్సవంలో పాల్గొన్న భక్తులందరికీ శ్రీస్వామివార్ల దర్శనం కల్పించారు. స్వామివారి దర్శనానంతరం భక్తులు అమ్మవారిని దర్శించుకున్నారు.సేవాకర్తలకు 2 లడ్డు ప్రసాదాలు, కైలాసకంకణాలు అందించారు.

దర్శనానంతరం భక్తులందరికీ దేవస్థానం అన్నపూర్ణ భవనం లో  భోజన సదుపాయం కూడా కల్పించారు.

సామూహిక కల్యాణోత్సవంలో స్థానికులే కాకుండా మార్కాపురం, చిత్తూరు, గుంటూరు తదితర ప్రాంతాలకు చెందిన వారు కూడా పాల్గొన్నారు.