*శాశ్వత అన్న ప్రసాద పథకానికి విరాళంగా రూ. 1,00,116 /-లను కె. రవినాగ్, హైదరాబాద్ అందజేశారు. ఈ మొత్తాన్ని సహాయ కార్యనిర్వహణాధికారి జి.స్వాములుకు అందించారు. దాతకు తగు రశీదు, ప్రసాదాలు, శేషవస్త్రం ఇచ్చారు.
*శ్రీశైలంలో జనవరి 8న ప్రత్యేకంగా పారిశుద్ధ్య స్వచ్ఛసేవా కార్యక్రమం
శ్రీశైల దేవస్థానం:స్వచ్ఛ శ్రీశైలం నిర్వహణలో భాగంగా ఈ నెల 8వ తేదీన పారిశుద్ధ్య స్వచ్ఛసేవా కార్యక్రమం నిర్వహిస్తారు.
క్షేత్ర పరిధిలో విస్తృతంగా పారిశుద్ధ్య చర్యలు చేపడుతారు.ఈ సందర్భంగా కార్యనిర్వహణాధికారి ఎం. శ్రీనివాసరావు మాట్లాడుతూ క్షేత్ర పరిధిలో విస్తృతంగా పారిశుద్ధ్య కార్యక్రమం చేపడుతామన్నారు. కార్యక్రమం నిర్వహణకుగాను తగు ప్రణాళికను రూపొందించామన్నారు. ఇందుకుగాను క్షేత్రాన్ని 6 జోన్లుగా, 11 సెక్టార్లుగా, 66 ప్రదేశాలుగా విభజించామన్నారు.
పారిశుద్ధ్య కార్యక్రమాన్ని పర్యవేక్షించేందుకు ప్రతీ జోనుకు కూడా యూనిట్ అధికారులను, పర్యవేక్షకులను ప్రత్యేక అధికారులుగా నియమించామన్నారు. అదేవిధంగా ఆయా జోన్లలో పలువురు సిబ్బందికి ప్రత్యేక విధులు కేటాయించామన్నారు.
ఆలయ మాడవీధులు, గంగాధర మండపం నుంచి తూర్పువైపున నందిగుడి వరకు , దక్షిణం వైపున అలంకారేశ్వరాలయం ప్రదేశం, దర్శన క్యూకాంప్లెక్సు విరాళాల సేకరణ కేంద్ర ప్రాంగణం , పరిసరాలు, అన్నప్రసాద వితరణ భవన పరిసరాలు, శ్రీలలితాంబికా వాణిజ్య సముదాయం, సి.ఆర్.ఓ కార్యాలయ పరిసరాలు, దేవస్థానం వైద్యశాల పరిసరాలు, గంగాగౌరి సదన్ పరిసరాలు, మల్లికార్జునసదన్ పరిసరాలు, చల్లా వెంకయ్యసత్రం పరిసరాలు, గణేశసదన్ పరిసరాలు, టూరిస్ట్ బస్టాండ్ పరిసరాలు, సెంట్రల్ పార్కింగ్ ప్రదేశం, మల్లమ్మ కన్నీరు పరిసరాలు, పంచమఠాల పరిసరాలు, ప్రాథమిక ఆరోగ్యకేంద్ర పరిసరాలు, సర్వతోభద్రవన పరిసరాలు, కల్యాణకట్ట పరిసరాలు, పాతాళగంగ పాతమెట్ల మార్గం, ఆర్టీసి బస్టాండు, సిద్ధిరామప్ప వాణిజ్య సముదాయం, పాతాళగంగమెట్లమార్గం, పాతాళగంగ స్నానఘట్టాలు, భ్రమరాంబా అతిథిగృహ పరిసరాలు, శ్రీగిరికాలనీ, కొత్తపేట అడ్డరోడ్లు, సాక్షిగణపతి ఆలయ పరిసరాలు, హాటకేశ్వరాలయ పరిసరాలు, ఫాలధార – పంచధార, శిఖరేశ్వర ఆలయ పరిసరాలు మొదలైన చోట్ల పారిశుద్ధ్య చర్యలు వుంటాయని ఈ ఓ వివరించారు.
దేవస్థానం సిబ్బందితో పాటు దుకాణాల నిర్వాహకులు, సత్రాల సిబ్బంది స్థానికులందరు కూడా పాల్గొని క్షేత్రపవిత్రతను కాపాడడంలో సహకరించాలని కోరారు.