శ్రీశైలదేవస్థానం:దేవస్థాన భద్రతా విభాగంలో తాత్కాలిక సెక్యూరిటీ గార్డ్ గా విధులు నిర్వహిస్తున్న  M.నరేంద్ర, కొత్తపేట కాలని, శ్రీశైలం ను  శాశ్వతంగా విధుల నుంచి తొలగించామని  శ్రీశైలదేవస్థానం అధికారిక ప్రకటనలో తెలిపింది.

మద్యం రవాణకు సంబంధించి ఈయనపై  ఈ రోజు ( 03.06.2021 ) న  కేసు నమోదు అయినందున  ఈ చర్య తీసుకున్నామని దేవస్థానం తెలిపింది.

వాస్తవానికి  M.నరేంద్ర పూర్తిగా తాత్కాలిక పద్దతిపై మాత్రమే దేవస్థాన భద్రతా విభాగంలో విధులను నిర్వహిస్తున్నారని , గత నెలరోజులుగా  విధులకు కూడా హాజరుకావడం లేదని దేవస్థానం తెలిపింది.

దేవస్థానం లో ఏ ఉద్యోగి అయినా  భవిష్యత్తులో దేవస్థాన నిబంధనలకు,  క్షేత్ర పవిత్రతకు భంగం కలిగించే విధంగా ఇటువంటి చర్యలకు పాల్పడితే కఠినమైన చర్యలు తీసుకుంటామని  దేవస్థానం  ఈ ఓ పేర్కొన్నారు.