శ్రీశైలం పరివార ఆలయం  శ్రీ ప్రసన్నాంజనేయ  దేవాలయం ప్రాంగణంలోని  శ్రీ రామాలయంలో  ఆదివారం  ఘనంగా సీతారాముల కల్యాణం నిర్వహించారు . ముందుగా శ్రీ ఆంజనేయస్వామి వారికి , శ్రీ సీతారాములవార్లకు  ప్రత్యేక పూజలు జరిపారు . ఉదయం 9  నుంచి సీతారాములవారి కల్యాణం కార్యక్రమం జరిగింది . ముందుగా మహాగణపతి పూజ జరిపారు . కళ్యాణ సంకల్పం చెప్పారు .పుణ్యాహవాచనం , స్థలశుద్ధి చేసారు . కంకణపూజ , కంకణధారణ నిర్వహించారు .యజ్ఞోపవీత పూజ ,  యజ్ఞోపవీత ధారణ జరిపారు . వరపూజ , ప్రవర ప్రస్తావన , నూతన వస్త్ర సమర్పణ , బాషిక సమర్పణ , గౌరీపూజ , మాంగల్యపూజ , సీతాదేవికి మాంగల్య ధారణ జరిపారు . తలంబ్రాలు తదితర కార్యక్రమాలతో  సంప్రదాయపరంగా శ్రీసీతారాముల కల్యాణం నేత్రపర్వంగా జరిపించారు . అనంతరం తీర్థప్రసాదాలు అందించారు . దేవస్థానం వారు , అర్చకస్వాములు  శ్రద్ధగా కార్యక్రమం   జరిపించారు . స్థానికులు , భక్తులు పాల్గొన్నారు .