కాణిపాకం శ్రీవరసిద్ధి వినాయక స్వామికి శ్రీశైలం దేవస్థానం తరఫున సోమవారం పట్టువస్త్రాలు సమర్పించారు. కాణిపాక బ్రహ్మోత్సవాలు సెప్టెంబర్ 13 న ప్రారంభమై ఈనెల 3 న ముగియనున్న సందర్బంగా శ్రీశైలం దేవస్థానం వారు పట్టువస్త్రాలు సమర్పించారు.శ్రీశైల దేవస్థానం ఈ ఓ ఎ.శ్రీరామచంద్రమూర్తి , సహాయ కార్యనిర్వహణాధికారి ఎస్.వి.కృష్ణారెడ్డి ,అర్చకస్వాములు ,వేద పండితులు తదితరులు కాణిపాకం చేరుకొని ఈ వస్త్రాలు సమర్పించారు .కాణిపాకం దేవస్థానం ఈ ఓ పీ పూర్ణచంద్ర రావు ఇతర అధికారులు , అర్చకస్వాములు వీరికి సాదరంగా స్వాగతం పలికారు . స్వామివారికి పట్టువస్త్రాలు సమర్పించిన  అనంతరం పూజలు జరిపారు. ఈ రోజు అనేకమంది భక్తులు శ్రీశైలం సందర్శించారు.సామూహిక అభిషేకాలు , సహస్ర దీపార్చన సేవ,వెండి రథోత్సవ సేవ ఘనంగా జరిగాయి.కళారాధన కార్యక్రమం లో శ్రీశైలం టి .లేక్షణారెడ్డి  కూచిపూడి నృత్య ప్రదర్శన జరిగింది.అలంకార మండపంలో శ్రీ సామవేదం షణ్ముఖ శర్మ అయిదో రోజు ప్రవచనం జరిగింది. దేవస్థానం అధికారులు సాదరంగా ఆహ్వానించారు.