శ్రీశైల దేవస్థానం: మహాశివరాత్రి బ్రహ్మోత్సవాలు రెండో రోజు (05.03.2021) న శ్రీ స్వామి అమ్మవార్లకు విశేష పూజలు జరిగాయి.
యాగశాల లో శ్రీ చండీశ్వర స్వామికి ప్రత్యేక పూజాదికాలు చేసారు. అనంతరం లోక కల్యాణం కోసం జపాలు, పారాయణలు జరిగాయి.
మండపారాధనలు, పంచావరణార్చనలు, శివపంచాక్షరి, నిత్యహవనాలు, రుద్రహోమం, చండీహోమం, కార్యక్రమాలు ఆగమ శాస్త్రం ప్రకారంగా జరిపారు.
ఈ సాయంకాలం ప్రదోష కాల పూజలు, జపానుష్టానాలు, రుద్రపారాయణలు, హోమాలు జరిగాయి.
భృంగి వాహనసేవ:
| ఈ బ్రహ్మోత్సవాలలో నిర్వహించే వాహనసేవలలో భాగంగా ఈ రోజు (05.03.2021) సాయంకాలం శ్రీ స్వామి అమ్మవార్లకు భృంగివాహనసేవ
జరిగింది. ఈ సేవలో శ్రీ స్వామి అమ్మవారి ఉత్సవమూర్తులను అక్కమహాదేవి అలంకార మండపంలో భృంగివాహనంపై వేంచేబు చేయించి ప్రత్యేక పూజాదికాలు చేసారు. తరువాత శ్రీశైలక్షేత్ర ప్రధాన వీధులలో గ్రామోత్సవం జరిపారు. కోలాటం, చెక్కభజన,రాజబటులవేషాలు, జాంజ్ పథక్, జానపద పగటి వేషాలు, గొరవనృత్యం, బుట్టబొమ్మలు, తప్పెట బిందు బీరప్పడోలు, చెంచునృత్యం, నందికోలసేవ, ఢమరుకం, చితడలు, శంఖం, పిల్లన్నగ్రోవి తదితర కళారూపాలను గ్రామోత్సవంలో ఏర్పాటు చేసారు.