ప్రాచీన మండపాల పునరుద్ధరణ పనులు ప్రారంభం

శ్రీశైలంలోని ప్రాచీన కట్టడాల పునరుద్ధరణకు గురువారం భూమిపూజ శాస్త్రోక్తంగా నిర్వహించారు. విభూతి మండపం , రుద్రాక్ష మండపం పునరుద్ధరణ పనులకు ప్రారంభంగా స్వాములు అధికారులు ఈ కార్యక్రమాలు చేపట్టారు. విభూతి మఠం వద్ద వేదపండితులు , అర్చక స్వాములు జీర్ణోద్ధరణ సంకల్పాన్ని పఠించారు. మహాగణపతి పూజ నిర్వహించారు.అనంతరం  ఈశాన్య భాగంలో నవధాన్యాలు , మొదలైన  వాటిని  సమర్పించి శంకుస్థాపన  జరిపారు. అనంతరం రుద్రాక్ష మండపం వద్ద  సంప్రదాయరీతిలో  సంకల్పం , గణపతి పూజ నిర్వహించారు. దేవస్థానం ఇంజినీరింగ్ ,  అధికారులు  ఉభయ దేవాలయాల  ప్రధాన అర్చకులు , స్వామివారి ఆలయ ఉప ప్రధాన అర్చకులు , పలువురు అర్చకులు , వేద పండితులు  పాల్గొన్నారు. వీఆర్వో  బి.  నాగ చంద్రుడు , పోలీస్ సిబ్బంది పాల్గొన్నారు.  25 వ తేదీన ఉదయం 9 గంటలకు  శాస్త్రోక్తంగా పూజలు జరిపి  దేవత మూర్తులను  బాలాలయంలో  నెలకొల్పుతారు.